طیبہ کے رنگیلے بانکے میاں موہے چاند سا مکھ دکھلا جانا

طیبہ کے رنگیلے بانکے میاں موہے چاند سا مکھ دکھلا جانا

میں برہا دیوانی ترپت ہوں ذرا آجانا ذرا آجانا

اے بادِ صبا چوں مدینہ روی پہنچا دے وہاں عرضی یہ میری

تورے چرنوں سے کب تک دور رہوں اپنے پر نہ کر بلوا جانا

دکھ درد کے مارے ترپت ہوں مانت نہیں دل فرقت میں ترے

اے کملی والے سائیں مرے روٹھے کو ذرا سمجھا جانا

سب بھول گیا کچھ یاد نہیں آنے کی وہاں کچھ آس نہیں

اب پیو کی ڈگریا ملتی نہیں موری بیاں پکڑ کے بتا جانا

محبوب خدا ہو شان خدا ہے وصف ترا لولاک لما

اللہ کی قسم مولا کی قسم جس نے تمہیں ہے جانا جانا

تم اپنے کئے کی لاج رکھو محشر میں مجھے رسوا نہ کرو

گو لاکھ برا ہوں باطن میں ہر ایک نے مجھے اچھا جانا

موری ناؤ پرانی جھانجریا ندیا گہری طوفان بپا

تم اپنے دیا سے صل علیٰ نیا میری پار لگا جانا

ہر گھٹ میں ہے تو را رنگ رچو ظاہر میں مدینہ میں ہے بسو

ترے حسن کا صدقہ سا میں میرے وہ روپ ہمیں ہی دکھا جانا

بے کس بے بس خادم تیرا عاصی خاطی نادم تیرا

حسنین کا صدقہ شایقؔ پر کرپا کی نجریا فرما جانا