ہلاکِ آرزو محروم دیدِ فصل گلشن تھا

ہلاکِ آرزو محروم دیدِ فصل گلشن تھا

مرا مدفن نہ تھا دنیا کے ارمانوں کا مدفن تھا

میرے افسانۂ الفت کا ہے آغاز اس دن سے

نگاہِ دہر میں جب نامکمل حسنِ گلشن تھا

یہاں پر موت آئی تو وہاں پر فصل گل آئی

مرا انجام افسانہ بھی کیا آغاز گلشن تھا

نہ پوچھو بزم جاناں کی تجلیات کا عالم

کہ ہر منظر جہاں جلوہ طرازِ برق ایمن تھا

قفس میں آکے ایک کونہ تو جن کو مل گیا اے شمسؔ

چمن میں جب میں رہتا تھا تو محتاج نشیمن تھا