میں نے احوال دل جب بیاں کر دیا اور بھی ظلم ہم پہ وہ ڈھانے لگے

میں نے احوال دل جب بیاں کر دیا اور بھی ظلم ہم پہ وہ ڈھانے لگے

آج کیا ہو گیا ہے انہیں دوستوں دیکھ کر ہم کو وہ مسکرانے لگے

ان سے اب کیا توقع رکھیں ہم بھلا ہائے ظلم و ستم دیکھیے تو ذرا

ہجر کی رات کی بات جب جب کہی بات کو میرے فوراً گھمانے لگے

آپ خود سوچیے میری کیا تھی خطا میرے جذبات کا خون کیوں کر دیا

آپ نے جو ہنسی میں اڑائی ہے وہ بات کہنے میں ہم کو زمانے لگے

آپ تو جائیں مسجد کی جانب میاں مے کدہ ہے یہ مسجد نہیں آپ کا

آپ تو آپ ہیں آپ کو کیا کہیں آپ کیسے ادھر آنے جانے لگے

ان کے چہرے کی رنگت اڑا دیکھ کر میں نے پوچھا کہاں تھے بتائیں ذرا

بات پکڑی نہ جائے کہیں اس لیے بات فوراً وہ اپنی گھمانے لگے

دل لگانے کی عامرؔ ملی یہ سزا بے قراری جنوں وحشتیں فرقتیں

آپ سے عشق کرنے کا انجام ہے گھر مرے غم کے یہ کارخانے لگے