نہ سوچا نہ سمجھا نہ دیکھا نہ بھالا

نہ سوچا نہ سمجھا نہ دیکھا نہ بھالا

جیو تم کہ چاہا جسے مار ڈالا

اب ایسے نہ تھے ہم کو چھیڑو تو رو دیں

بہا ہوگا کوئی کلیجے کا چھالا

یہ آنکھ اپنی ساون ہے وہ آنکھ بھادوں

ٹپا ٹپ ہے آنسو کی پانی کا چھالا

جو کہتا وہ سنتے جو سنتے وہ کرتے

مرے بانکپن نے مجھے مار ڈالا

سنیں اور نہ بولیں دبیں اور نہ ہمسیں

ذرا سی جھجھک نے بڑا بوجھ ڈالا

نہ جھوٹ اس کو جانو کہ مرنا ہے ہم کو

بدل لی جو کروٹ لیا ہے سنبھالا

ملاؤں ذرا آنسوؤں کی لڑی سے

ادھر لا ادھر لا یہ موتی کا مالا

اس اندھیر نگری میں بتی نہ ڈھونڈو

جو کچھ ہے سو اپنی سمجھ کا اجالا

جسے آرزوؔ کوئی تاکے نہ چھینے

مجھے راج گدی ہے وہ مرگ چھالا