چشم دل روشن ہوئی رخسار تاباں دیکھ کر

چشم دل روشن ہوئی رخسار تاباں دیکھ کر

کیا کہوں کیا میں نے پایا تجھ کو اے جاں دیکھ کر

مبتلائے سوز غم اے شعلہ رو میں ہی نہیں

جل بجھا ہے اک جہاں رخسار تاباں دیکھ کر

صفائی قلب کی ملزوم ہے بشر کے لئے

خدا‌ نما یہی آئینہ ہے نظر کے لئے

یہ آرزو ہے کہ دو تیر ساتھ ساتھ چلیں

کہ ایک دل کے لئے ہو تو اک جگر کے لئے

لگائی اس نے شب وعدہ پاؤں میں مہندی

غضب کی چال نکالی اگر مگر کے لئے