کعبہ نہ تو محراب حرم دیکھ رہا ہوں

کعبہ نہ تو محراب حرم دیکھ رہا ہوں

اس وقت میں ابروئے صنم دیکھ رہا ہوں

کل تک تو آمادہ رہے ظلم و ستم پر

کیا بات ہے آج ان کا کرم دیکھ رہا ہوں

ہے دل میں خلش لب پہ فغاں آنکھ میں آنسو

کیا کیا نہ محبت میں قسم دیکھ رہا ہوں

پیروں کے نشاں یوں تو سر راہ بہت ہیں

کون ان کا ہے وہ نقش قدم دیکھ رہا ہوں

لگتا ہے کوئی آج گیا صحن‌ چمن سے

میں کلیوں کو بعد نم دیکھ رہا ہوں

میکشؔ ابھی یہ ساقی مے خانہ نیا ہے

مے اس لیے پیمانہ میں کم دیکھا رہا ہوں