کبھی شامِ غم میں زندگی اپنی کی بسر میں نے

کبھی شامِ غم میں زندگی اپنی کی بسر میں نے

نہ دیکھی آج تک اپنی امیدوں کی سحر میں نے

وہ اپنے عہد پیما سے مکر جاتے قیامت ہے

خدایا سب کی الفت میں مٹایا اپنا گھر میں نے

خبر کیا تھی میری اس طرح سے رسوائیاں ہوں گی

کہا تھا راز الفت ان سے اپنا جان کر میں نے

سرِ محفل یہ سمجھا تھا زمین پر چاند اترا ہے

تمہارے دوش پر زلفِ پریشاں دیکھ کر میں نے

تبسمؔ عارضِ گلگلوں کی تابانی کا کیا کہنا

خجل دیکھا ہے اس کے سامنے شمس وقمر میں نے