ہے کیسی رشک فردوس بریں یہ بزم لا ثانی

ہے کیسی رشک فردوس بریں یہ بزم لا ثانی

کہ جس پر کر رہی ہے رحمت حق گوہر افشانی

رسولوں میں محمدؐ مصطفیٰؐ بے مثل و یکتا ہیں

خدا یکتا ہے جب پھر کیوں نہ ہو محبوب لا فانی

منور ہے یہ ساری بزم انوار الٰہی سے

شریک بزم اقدس ہو کے کر لو قلب نورانی

مسیحا سے مریض غم کا چارہ غیر ممکن ہے

مرے تو درد پنہاں کی کریں گے آپ دربانی

خدا ہے ناخدا محبوب کی امت کے بیڑے کا

وہ خود کرتا ہے اس امت کے بیڑے کی نگہبانی

جو اس در پر جھکا آکر ملا اس کو خدا مضطرؔ

ہے اس در کی گدائی بہتر از تخت سلیمانی