محیطِ عشق میں ڈوبا ہوا اب دل نظر آیا

محیطِ عشق میں ڈوبا ہوا اب دل نظر آیا

ہوئی لو پارکشتی عمر کی ساحل نظر آیا

وہ دیکھو دیدۂ گریاں میں خون دل نظر آیا

مبارک ہو شفقؔ اب عشق کا حاصل نظر آیا

محبت میں فنا ہونا حیاتِ جاودانی ہے

کہ جس گرداب کو دیکھا وہی ساحل نظر آیا

بنا دی کائناتِ دہر تم نے عشق کی دنیا

کہ جس ذرہ کو دیکھا مسکراکر دل نظر آیا

نمایاں داغ بھی ہیں اے شفقؔ اور روشنی بھی ہے

یہ میں نے دل کو دیکھا یا مہ کامل نظر آیا