جہاں میں اپنی تاثیر دعا کا پوچھنا کیا ہے

جہاں میں اپنی تاثیر دعا کا پوچھنا کیا ہے

اجابت آکے خود کہتے ہیں تیری التجا کیا ہے

اسی کو علم ہے دار بقا دار فنا کیا ہے

ازل سے ابتدا جس کی ہے اس کی انتہا کیا ہے

پھنسایا مجھ کو دام زلف میں اور خود بھی پھنستا ہے

خدا کے واسطے اے دل بتا تجھ کو ہوا کیا ہے

فراق یار میں مجھ کو نہ کیوں کر تلخ کا مے ہو

نہ ہو پہلو میں جب دلبر تو پھر جی کا مزا کیا ہے

یہی حسرت رہی دل میں کہ مجھ کو دیکھ کر گریاں

نہ پوچھا آپ نے اک دن کہ تیرا مدعا کیا ہے

غضب ہے وصل میں کہنا کسی کا یوں شرارت سے

بتاؤ خیر تو ہے آج دل کا مدعا کیا ہے

طبیعت اس بت کافر پہ آئی ہے رحیمؔ

غرور سے اکثر جو کہتا ہے خدا کیا ہے