زیست سے سرگرمی ذوق طلب منزل نہیں

زیست سے سرگرمی ذوق طلب منزل نہیں

یہ وہ دریا ہے کہ جو شرمندۂ ساحل نہیں

جی رہے ہیں ہم بفیضِ غم یہ ہے شان کمال

ورنہ مٹ جانا محبت میں کوئی مشکل نہیں

وائے نادانی جسے سمجاتھا خضر راہ دل

رہزن منزل وہی ہے رہبرمنزل نہیں

وہ کلی چٹکی تھی گلشن میں بحسن اتفاق

آپ کیوں شرمائے آواز شکست دل نہیں

جب نہ ہوں دل کے شرارے پردہ الفاظ میں

اے فناؔ پھر شعر کہنے کا کوئی حاصل نہیں