تجھی سے تیری ہی حمد باری دہن یہ تیرا زبان تیری

تجھی سے تیری ہی حمد باری دہن یہ تیرا زبان تیری

ترا عطیہ ہے نطق اپنا یہ جسم تیرا یہ جان تیری

نفخت فیہ کہا ہے کس نے و کنت کنزا بتایا کس نے

یہ روح تن میں بسایا کس نے ہمارے آقا ہے شان تیری

جمال کس کا تھا طور اوپر پہاڑ سرمہ بنا ہے کیوں کر

وہ نور کس کا تھا شان تیری وہ نور کس کا تھا شان تیری

بلایا کس نے فلک کے اوپر جہاں ہیں جلتے گمان کے پر

تری ہے قدرت تری عنایت یہ آقا سب کچھ ہے مان تیری

وہ سجدہ آدم کو کیوں کیا تھا فرشتہ پاکی جو نور سے تھا

یہ پتلا خاکی کو رتبہ کیسا عنایتیں ہیں سبحان تیری

وہ پھینکا بھالا تو تو یہ بولا کہ ما رمیت رمیت انا

احد سے احمد کا ملنے جانا یہی تو ربی ہے شان تیری

تجھی سے تیری ہے چاہ مجھ کو تجھی سے تیری پناہ مجھ کو

تجھی سے ملنی ہے راہ مجھ کو خدایا میرے امان تیری

یہ جسم خاکی ہو نور تیرا جہاں سے جس دم اٹھے بسیرا

یہ بلبل‌ جاں تڑپ تڑپ کر کہے فقیراؔ ہے جان تیری