زمانہ موت کہتا ہے جسے وہ قرضِ ہستی ہے

زمانہ موت کہتا ہے جسے وہ قرضِ ہستی ہے

صفِ ماتم بچھا کر بیٹھنا دنیا پرستی ہے

جبیں سائی ترے قدموں پر فرض مے پرستی ہے

یہ سجدہ کفر ہو ساقی مگر ایمان مستی ہے

یہ کیسی نیند ہے اٹھ لے خبر زلف پریشاں کی

مرے چاکِ گریباں پر سحر آوازہ کستی ہے

کہاں سوتی ہے یا رب جلوہ گاہِ ناز کی بجلی

قیامت ہو رہی ہے چشم نظارہ ترستی ہے

نہ دیکھے نبض دنیا قسمتِ بیمار کو دیکھے

کہ درد اٹھتے ہی دل میں موت چہرے پر برستی ہے