اس طرح چشم تصور باز ہے

اس طرح چشم تصور باز ہے

جلوۂ جانا سراپا ناز ہے

کہہ رہی ہیں میرے دل کی دھڑکنیں

آپ ہیں یا آپ کی آواز ہے

میری ہر تارِ نفس میں مؤجزن

نغمۂ قالوا بلا کا راز ہے

فخر ہے کعبہ پہ اے زاہد تجھے

یار کی چوکھٹ پہ مجھ کو ناز ہے

جس کو دیکھا مست دبے خود کر دیا

کیا عجب اُن کی نگاہِ ناز ہے

یہ میرا دل اور کہاں یادِ صنم

خوبیِٔ قسمت پہ مجھ کو ناز ہے

مجھ میں رہ کر مجھ سے ہی پردہ امیرؔ

ان کے رہنے کا عجب انداز ہے