وہ بالین پہ آئے ہیں الحمد للہ کہوں کس ادا سے مچلتے مچلتے

وہ بالین پہ آئے ہیں الحمد للہ کہوں کس ادا سے مچلتے مچلتے

میری جان میں جانِ من جان آئی میرا رک گیا دم نکلتے نکلتے

نگاہِ کرم نے کرم وہ کیا ہے جو مانگا طلبگار کو وہ دیا ہے

کہ لاکھوں کی بگڑی بناتے چلے وہ جدھر کو بھی ڈالی نظر چلتے چلتے

نگاہوں میں ایسا نظر ایسا ہے نہ اب ضبط کا مجھ میں یارا رہا ہے

یہ جوشِ جنونِ محبت تو دیکھو پھٹے دل کے چھالے ابلتے ابلتے

کسی کی نگاہ کا کرشمہ تو دیکھو عجب ہے یہ طرفہ تماشہ تو دیکھو!

جلیں گے کریں گے جہاں کو منور تیرے عشق کی آگ میں جلتے جلتے!

سنو نہ سنو یہ ہے مرضی تمہاری مگر ہے یہ فریاد کی بے قراری

دلِ غم زدہ کو خدا را سنبھالو سنبھل جائے گا یہ سنبھلتے سنبھلتے

امیرِؔ حزیں دل کے ارماں نہ نکلے نہ نکلی کوئی حسرتِ دل ہماری

وہ آئے بھی تو چل دیے آتے آتے ڈھلی چاندنی چاند کے ڈھلتے ڈھلتے