جو بات دل میں تھی آنکھوں نے کہہ سنائی ہے

جو بات دل میں تھی آنکھوں نے کہہ سنائی ہے

کہاں کی چوٹ کہاں جا کے رنگ لائی ہے

بھٹکتے پھرتے تھے دیر و حرم کی گلیوں میں

تمہارے پانے سے منزل کی راہ پائی ہے

کرم سے دامن امید آج بھر دیے

درِ حضور پہ مدت سے لا گھائی ہے

تمہاری آنکھوں کی مستی بہار کی صورت

تمام بادہ پرستوں پہ آج چھائی ہے

ہے آج کس نے اٹھایا نقاب چہرے سے

جدھر بھی دیکھیں ادھر شانِ کبریائی ہے

امیؔر صابری نکلے نہ آفتاب وہاں

جہاں پہ جلوۂِ محبوب کی خدائی ہے