عشق میں بے قرار پھرتے ہیں

عشق میں بے قرار پھرتے ہیں

یعنی دیوانہ وار پھرتے ہیں

سر کو لے کر ہتھیلی پر لاکھوں

آپ کے جاں نثار پھرتے ہیں

تیرے کوچے میں تیری گلیوں میں

مانگتے تاجدار پھرتے ہیں

جان دے دیں گے اپنے وعدے پر

کیا کہیں بادۂ خوار پھرتے ہیں

ان کو محشر میں دیکھ کر یوں کہا

وہ میرے راز دار پھرتے ہیں

تجھ کو کچھ بھی خبر نہیں زاہد

وہ تیرے ہمکنار پھرتے ہیں

دیر و کعبہ میں بت کدہ میں امیرؔ

بہرِ دیدارِ یار پھرتے ہیں