اب مجھے عشق کی پہچان ہوئی جاتی ہے

اب مجھے عشق کی پہچان ہوئی جاتی ہے

زندگی بے سر و سامان ہوئی جاتی ہے

بزمِ حیران ہے حیران ہوئی جاتی ہے

ہر نگاہِ تیری خمستاں ہوئی جاتی ہے

یہ تیری مست نگاہوں کا اثر ہے ساقی

ہر نگاہ صاحبِ عرفاں ہوئی جاتی ہے

آجا اس نور کے پردو سے نکل کر آجا

دید تیری میرا ایمان ہوئی جاتی ہے

دل تو پہلے ہی تیرے حسن کا دیوانہ ہے

جانِ جاں جان بھی قربان ہوئی جاتی ہے

ہائے کس ناز سے دامن کو بچا کر نکلے!

آج دنیا میری ویران ہوئی جاتی ہے

آج کس ناز سے بن ٹھن کے وہ نکلے گھر سے

ہر ادا زیست کا سامان ہوئی جاتی ہے

آ کے سینے میں جہاں بیٹھ گئی بیٹھ گئی

ہر نگاہ یار کی پیکاں ہوئی جاتی ہے

تیرے جلوؤں کا بھکاری ہے پچاری ہے امیرؔ

بت پرستوں میں عجب شان ہوئی جاتی ہے