نگاہوں میں بھری وہ شوخیاں ہیں

نگاہوں میں بھری وہ شوخیاں ہیں

تڑپتی ہر ادا میں بجلیاں ہیں

خبر آنے کی ان کے دے رہی ہیں

نزع میں آ رہیں جو ہچکیاں ہیں

میرا ایمان لوٹے جا رہی ہیں

یہ کس کافر ادا کی شوخیاں ہیں

وہ اس انداز سے پردے سے نکلے

کہ چھائیں ہر طرف رعنائیاں ہیں

خدا رکھے سلامت دردِ الفت

بڑی راحت فضا تنہائیاں ہیں

میں اس انداز سے محشر میں آیا

میرے آگے میری رسوائیاں ہیں

تصور میں ہوئے وہ جلوہ افگن

نگر میں کوندھتی پھر بجلیاں ہیں

امیرؔ صابری پر پیارے صابر

بہت آقا کرم فرمائیاں ہیں