ساقی پلا دے اب تو جو کچھ بچی کچی ہے

ساقی پلا دے اب تو جو کچھ بچی کچی ہے

پنہاں تیری نگاہ میں مستوں کی زندگی ہے

تیرے ہی ہاتھ سے اب پینے کی ٹھان لی ہے

ایسی لگی ہوئی ہے جو نہ کہیں بجھی ہے

تیری ادا پہ مرنا تیری رضا پہ جینا

اپنی خوشی وہی ہے جو یار کی خوشی ہے

اس رازِ بندگی سے تو آشنا نہیں ہے

یہ بندہ پروری بھی بندے کی بندگی ہے

سازِ حیات ساقی اک بار چھیڑ دے پھر

میری خودی کا نغمہ محتاج بے خودی ہے

مستی میں جھوم کر یوں سجدے پکارتے ہیں

جس جا جبیں جھکی ہے وہاں ختمِ بندگی ہے

پینے کا تب مزا ہے بیت الحرام پی تو

چھپ کر امیرؔ پینا توہینِ میکشی ہے