جو کھو چکا ہوں میں وہ دل تلاش کرتا ہوں

جو کھو چکا ہوں میں وہ دل تلاش کرتا ہوں

جہاں لٹا ہوں وہ منزل تلاش کرتا ہوں

تڑپ تڑپ کے نکلتا ہوں موجِ طوفاں سے

میں ڈوب ڈوب کے ساحل تلاش کرتا ہوں

فزا اداس ہے ٹوٹے ہوئے ہیں پیمانے

کہاں ہے ساقیٔ محفل تلاش کرتا ہوں

بس آج ذوقِ شہادت نے کر دیا محبور

میں آپ اپنا ہی قاتل تلاش کرتا ہوں

تصورات کی دنیا میں کھو گیا ہوں یوں

کہ ذرہ ذرہ میں منزل تلاش کرتا ہوں

میں قیسِ عشق ہوں اب تک بھی دشت و صحرا میں

سوارِ ناقۂ محمل تلاش کرتا ہوں

امیرؔ صابری بھٹکا ہوا ہوں منزل سے

میں اپنا مرشدِ کامل تلاش کرتا ہوں