خواب میں ان کو جا کے دیکھ لیا
خواب میں ان کو جا کے دیکھ لیا
ان کو ان سے چھپا کے دیکھ لیا
نہ چھپے میری آنکھ سے نہ چھپے
تم نے خود کو چھپا کے دیکھ لیا
میرے دل سے کبھی نکل نہ سکے
تم نے دامن چھڑا کے دیکھ لیا
تم سے ملنے کی آرزو نہ گئی
خاک میں بھی ملا کے دیکھ لیا
نہ رکھا تم نے ایک دن بھی قدم
ہم نے آنکھیں بچھا کے دیکھ لیا
نہ لگا جی کس جگہ نہ لگا
ہر جگہ جی لگا کے دیکھ لیا
اے غضب غم یہاں بھی آ پہنچا
محل اونچے بنا کے دیکھ لیا
میری دیوانگی کا کیا کہنا
رخ سے پردہ ہٹا کے دیکھ لیا
حاصل عمر کا پتہ نہ چلا
عمر ساری گنوا کے دیکھ لیا
خاک حاصل ہوا نہ اے امجدؔ
ہر طرف خاک اڑا کے دیکھ لیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
