ہوگا کرم جو اس دل بیمار پر ترا

ہوگا کرم جو اس دل بیمار پر ترا

لکھ دوں گا نام میں در و دیوار پر ترا

مجھ بے قصور کو تبھی دینا کوئی سزا

ہو سخت فیصلہ جو گنہ گار پر ترا

یہ پھول اس لیے میں بچھاتا ہوں راه میں

بھولے سے بھی نہ پیر پڑے خار پر ترا

ساحل مجھے نصیب بھلا ہوگا کس لیے

کشتی پہ حق ترا ہے تو منجھدار پر مرا

ہر اک ورق پہ تیری ہی تعریف کیوں نہ ہو

قبضہ خبر پہ ہے ترا اخبار پر ترا

تونے مجھے جو اپنا کہا ہے مرے صنم

جادو سا ہو گیا دل اظہارؔ پر ترا