سنا جب باغ میں شور عنادل

سنا جب باغ میں شور عنادل

دھڑک اٹھا مرا نا آشنا دل

نہیں سنتا مری اب تو مرا دل

اسی کوچے میں دیکھو پھر چلا دل

کہا کرتے ہو جب تم ہوں میں عادل

تو واپس کیوں نہیں کرتے مرا دل

نہایت کشمکش میں میں پڑا ہوں

خفا وہ دل سے ہیں مجھ سے خفا دل

عجب کوچہ ہے قاتل کا ہمارے

پڑے ہیں جا بجا سر جا بجا دل

حسینوں کی ادا پر مر رہا ہوں

خدا نے دے دیا ہے چلبلا دل

اسی در پر پڑے رہتے تھے تم عرشؔ

اسی سے مانگو اپنا چلبلا دل