آنکھیں بیکار ہیں جب دیکھیں نہ صورت تیری

آنکھیں بیکار ہیں جب دیکھیں نہ صورت تیری

دل وہ کیا دل ہے نہ ہو جس میں محبت تیری

جلد اے روح سفر پیکر خاکی سے نہ کے

چند روزہ ہی ملاقات غنیمت تیری

اس لئے ہے پر طاؤس کی قرآں میں جگہ

کہ دکھاتا ہے یہ نیرنگیٔ قدرت تیری

شعلۂ نار سقر سے جو ڈرے اہل گناہ

ابر بن بن کے برسنے لگی رحمت تیری

پاؤں کانٹوں کی سنانوں پہ ہیں دیوانوں کے

راہ کیا سخت ہے اے وادئ وحشت تیری

سیر بازار کو تو روز نکلتا ہے اسیرؔ

آ گئی کیا کسی یوسف پہ طبیعت تیری