سمائی دل میں جو تیری محبت ہے

سمائی دل میں جو تیری محبت ہے

ملی مجھ کو یہ آدم کی وراثت ہے

پہنچ سکتا کوئی عاقل نہیں جس جا

وہاں تک تیرے شیدا کو اجازت ہے

فقط عاشق پہ کھلتے ہیں رموز حسن

رہے پردہ بھی یہ رب کی مشیت ہے

نہیں سمجھیں گے زاہد تیرے جلووں کو

فسانہ کیا ہے تیری کیا حقیقت ہے

یوں گزری ہے فراق شب گراں مجھ پر

کھڑی ہو سر پہ جیسے اک قیامت ہے

ہیں آنکھوں میں بسے ایسے مناظر کچھ

یقیناً ہیچ جن کے آگے جنت ہے

یہ کہہ لینے دو اب آصفؔ نہ روکو تم

مجھے پیاری مرے دلبر کی صورت ہے