آنکھیں تری غمزے سے ہشیار نہیں ہوں گی

آنکھیں تری غمزے سے ہشیار نہیں ہوں گی

اس دل کی خراشیں بھی بے خار نہیں ہوں گی

یہ تیر صفت مژگاں یہ تیغ صفت نظریں

بیمار محبت کی غم خوار نہیں ہوں گی

ہیں تیری ادائیں جو قاتل تو زہے قسمت

خوش ہوں کہ ادائیں یہ بیکار نہیں ہوں گی

افتاد پڑے پیہم اور رنج مسلسل ہو

مہتاب کو تنویریں افگار نہیں ہوں گی

خسرو ترے مستوں کی سرشار جو آنکھیں ہیں

مستی میں قیامت تک ہشیار نہیں ہوں گی