شوق دل ان کو سنایا جب تو جھنجھلا کر کہا

شوق دل ان کو سنایا جب تو جھنجھلا کر کہا

ہم کہے دیتے ہیں ایسی دل لگی اچھی نہیں

اے خدا کب تک ملے گی راحت روز وصال

یہ شب فرقت مصیبت کی بھری اچھی نہیں

آنکھ کھولو کچھ کہو اپنی ہماری کچھ سنو

حضرت دل یہ تمہاری بے خودی اچھی نہیں

پھر نہ عالم میں نمایاں ہو کہیں طوفان نوح

دیدہ گریاں یہ ساون کی جھڑی اچھی نہیں

وقت گر یہ گدگدائے کوئی کیوں مجھ کو امیرؔ

رونے والوں سے کسی کی یہ ہنسی اچھی نہیں