میں زندگی کے سہارے تلاش کرتا ہوں

میں زندگی کے سہارے تلاش کرتا ہوں

تری نظر کے اشارے تلاش کرتا ہوں

کنارے جو ہو شب مہ ہو تو ہو اور میں ہوں

وہ دل فریب نظارے تلاش کرتا ہوں

نہ جانے کون سے گوشے میں پڑ رہے ہوں گے

ترے فراق کے مارے تلاش کرتا ہوں

وہ شوق دل جو تجھے عجز و انکسار کے ساتھ

حضور کہہ کے پکارے تلاش کرتا ہوں

دل حزیں جو کبھی غم گسار رہتے تھے

کہاں ہیں دوست تمہارے تلاش کرتا ہوں

خدا ہی پار لگائے گا اے اثر کہ ہے اب

بھنور میں ناؤ تلاش کرتا ہوں