madum hue jate hain ab tab-o-tawan aur

ma.adūm hue jaate haiñ ab tāb-o-tavāñ aur

kuchh gul na khilā.e kahīñ ye dard-e-nihāñ aur

ghul ghul ke tire ġham meñ huā jī kā ziyāñ aur

jab tū hī na pūchhe to bhalā jā۔ūñ kahāñ aur

hai dil kī zabāñ aur dahan kī hai zabāñ aur

phir tū hī batā kyuuñ na baḌhe merā gumāñ aur

yuuñ to haiñ zamāne meñ bahut mujh se javāñ aur

jo shān-e-tajmmul hai tirī hai vo kahāñ aur

ai sabr tujhe sabr paḌe merī fuġhāñ kā

kuchh rose to rahne de mujhe mahv-e-fuġhāñ aur

dil gardish-e-ayyām se pis-pis ke huā ḳhaak

ab ḳhaak uḌāte ho uḌaao merī jaañ aur

shākir hai tirā bazm meñ ghar par tirā shākī

hai fitrat-e-dil ḳhuub vahāñ aur yahāñ aur

ham jannat-e-vā.iz kī haqīqat se hoñ munkir

mil jaa.e agar tere mohalle meñ makāñ aur

is daur-e-za.īfī meñ 'asar' laaj bachānā

ye aur zamāna hai ye din aur samāñ aur

madum hue jate hain ab tab-o-tawan aur

kuchh gul na khilae kahin ye dard-e-nihan aur

ghul ghul ke tere gham mein hua ji ka ziyan aur

jab tu hi na puchhe to bhala ja۔un kahan aur

hai dil ki zaban aur dahan ki hai zaban aur

phir tu hi bata kyun na baDhe mera guman aur

yun to hain zamane mein bahut mujh se jawan aur

jo shan-e-tajmmul hai teri hai wo kahan aur

ai sabr tujhe sabr paDe meri fughan ka

kuchh rose to rahne de mujhe mahw-e-fughan aur

dil gardish-e-ayyam se pis-pis ke hua KHak

ab KHak uDate ho uDao meri jaan aur

shakir hai tera bazm mein ghar par tera shaki

hai fitrat-e-dil KHub wahan aur yahan aur

hum jannat-e-waiz ki haqiqat se hon munkir

mil jae agar tere mohalle mein makan aur

is daur-e-zaifi mein 'asar' laj bachana

ye aur zamana hai ye din aur saman aur