میرے نالہ ہائے سحر کبھی جو لبوں تک آکے مچل گئے

میرے نالہ ہائے سحر کبھی جو لبوں تک آکے مچل گئے

ترے بام تک نہ پہنچ سکے تو غزل کے روپ میں ڈھل گئے

وہ فضائے میکدہ ساقیا نہ پتا خرد کا نہ ہوش کا

یہ تری نگاہ کا فیض تھا کہ گرے تو گر کے سنبھل گئے

رہ شوق کی وہ مسافتیں وہ ہوائے تند کی شورشیں

تری خاک پا کے طفیل میں جو نکل گئے وہ نکل گئے

یہ عجیب سحر طرازیاں ہیں کلیمؔ یاد حبیب کی

کبھی آ گئی تو تڑپ اٹھے کبھی آ گئی تو بہل گئے