تو نظر کے سامنے ہے تیری دید ہو رہی ہے

تو نظر کے سامنے ہے تیری دید ہو رہی ہے

مجھے تو نوید دیدے میری عید ہو رہی ہے

تجھے خود بھی یہ با خبر ہے تیرا حسن مستتر ہے

تجھے کون دیکھتا ہے کسے دید ہو رہی ہے

غم عاشقی کے مارے بھی عجیب ہیں بچارے

کبھی غم منا رہے ہیں کبھی عید ہو رہی ہے

میرے ذوق سجدہ کو بھی غم بے بسی نے مارا

وہ جو آرزو جواں تھی وہ شہید ہو رہی ہے

کہ نشان بے نشاں ہوں کہ زبان بے زباں ہوں

تیری یاد میں جہاں ہوں میری عید ہو رہی ہے

نہ نظر میں تاب باقی نہ نگہ میں آب باقی

یہاں جاں پہ بن رہی ہے وہاں دید ہو رہی ہے

ہے لبوں پہ کچھ تبسم کسی حال میں ہیں وہ گم

وہ سنیں گے میرا عالم یہ امید ہو رہی ہے