عجب عالم ہے میری زندگی کا

عجب عالم ہے میری زندگی کا

مسلسل دور ہے اک بے بسی کا

کہیں منزل نظر آتی نہیں ہے

نتیجہ مل رہا ہے رہروی کا

جدھر دیکھو ادھر ناکامیاں ہیں

خدا حافظ ہماری زندگی کا

نگاہِ مہر کے قربان جاؤں!

میرے غم نے بھی دیکھا منہ خوشی کا

کسی در سے جبیں اٹھتی نہیں ہے

مزا اب مل رہا ہے بندگی کا

دل حسرت زدہ خوں ہو چلا ہے

میرے غم کو بھی موقع ہے خوشی کا

کسی کو کیا غرض دیکھے جو بہزادؔ

کہ کس عالم میں ہے بندہ کسی کا