برباد آرزو کو دیوانہ کہہ دیا ہے

برباد آرزو کو دیوانہ کہہ دیا ہے

اک لفظ کہہ کے تم نے افسانہ کہہ دیا ہے

تھے جن کو ناز وہ بھی مشکل میں پڑ گئے ہیں

سب کو تری نظر نے بیگانہ کہہ دیا ہے

میں نازش جنوں سے دیوانہ ہو گیا ہوں

جب اس نے تنگ آکر دیوانہ کہہ دیا ہے

آزاد دو جہاں ہوں ہاں تم برا نہ مانو

میں نے تو ایک فقرۂ رندانہ کہہ دیا ہے

آنکھوں نے تیری کی ہے گو رہزنی ہی لیکن

خاطر سے تیری دل کو نذرانہ کہہ دیا ہے

میکشؔ ہے اور ترک جام و سبو کہ آخر

آنکھوں نے تیری راز مے خانہ کہہ دیا ہے