پھرتا جوں ترد تجھے ڈھونڈتا گھر گھر میں ہوں

پھرتا جوں ترد تجھے ڈھونڈتا گھر گھر میں ہوں

کھیلتا عشق میں اس کام کی چوسر میں ہوں

ان کے دل سے نہ گیا، آہ! کدورت کا غبار

مر گیا اور ملا خاک میں، مٹ کر میں ہوں

کی خطا آپ کی ابرو کو جو خنجر لکھا

قتل چاہو تو کرو، قابلِ خنجر میں ہوں

ہے صنم! شانِ خدا شان سے تیری صدا

بخدا جھوٹ ہو گر اس میں تو کافر میں ہوں

میں انہیں دیکھوں ہوں آئینہ جو دیکھتے ہیں

ان کی حیرانی پہ کچھ اور بھی ششدر میں ہوں

دل پہ روشن ہے سوادِ ہنر و علم ولے

خاکِ غربت میں چھپا صورتِ اخگر میں ہوں