تسلیٔ دل مبتلا کی تو ہوتی

تسلیٔ دل مبتلا کی تو ہوتی

کسی سے بھی اس نے وفا کی تو ہوتی

وہ سنتے نہ سنتے وہ آتے نہ آتے

وہاں تک رسائی دعا کی تو ہوتی

کسی سے تو زاہد کو ہوتی محبت

بتوں کی نہ ہوتی خدا کی تو ہوتی

نہ کھلتی کلی گو مری آرزو کی

گرہ ان کے بند قبا کی تو ہوتی

یہ پہلے ہی سے بد گمانی ہے کیسی

سماعت مرے مدعا کی تو ہوتی

وہ ہیں رند ہی خوش ہیں جو ذلتوں میں

یہی گت کسی پارسا کی تو ہوتی

گلا بے نظیرؔ اس کی رحمت سے کیا ہے

کبھی دل سے تو نے دعا کی تو ہوتی