دل سے پوچھا تو کہاں ہے تو کہا تجھ کوں کیا
دل سے پوچھا تو کہاں ہے تو کہا تجھ کوں کیا
کس کی زلفوں میں نہاں ہے تو کہا تجھ کوں کیا
چشم گریاں سے شب وصل میں پوچھا میں نے
اب تو کیوں اشک فشاں ہے تو کہا تجھ کوں کیا
جب کہا میں نے کہ نیں بولتے ہو گالی بن
جان یہ کون زباں ہے تو کہا تجھ کوں کیا
کہنے لاگا دل گم گشتہ ترا ہے مجھ پاس
جب کہا میں نے کہاں ہے تو کہا تجھ کوں کیا
جب کہا میں نے کہ اے جان تری صورت پر
شیفتہ پیر و جواں ہے تو کہا تجھ کوں کیا
جب کہا میں نے کہ اے سرو ریاض خوبی
کس کا تو آفت جاں ہے تو کہا تجھ کوں کیا
دل سے بیدارؔ نے پوچھا کہ ترے سینے پر
کس کے ناوک کا نشاں ہے تو کہا تجھ کوں کیا
- کتاب : دیوان بیدار مرتبہ: محمد حسین محوی (Pg. 17)
- Author : میر محمد بیدارؔ
- مطبع : شاہی پریس ٹزلیپکین، مدراس (1935)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
