دل تجھے ہاتھ لگا ہائے یہ کیا مشغولا

دل تجھے ہاتھ لگا ہائے یہ کیا مشغولا

یاد میں اک بت کافر کے خدا کو بھولا

مجھ کو ہرگز یہ خوش آتی نہیں پھولوں کی باس

اے صبا سرو گل اندام کی میرے بولا

دل تو لگتا نہیں ہے یار مرا کیا کیجیے

بلبل اڑ جا تو نہ کہہ مجھ سے چمن تو پھولا

ہجر سے میں تہ و بالا ہو کھڑا روتا ہوں

گاتے ہیں ساون اور جھولتے ہیں سب جھولا

زرد رو نرگس شہلا کو کرے کیوں نہ ترابؔ

زرد پوشاک جو پہنے وہ پری رو دولا