نیکوں کے بیچ تیرے بد کار ہیں تو ہم ہیں

نیکوں کے بیچ تیرے بد کار ہیں تو ہم ہیں

تیری عنایتوں کے حق دار ہیں تو ہم ہیں

جب عشق ہی نہ ہو تو کیا حسن کا سنورنا

در اصل تیرے رخ کا سنگھار ہیں تو ہم ہیں

اجداد کا ہے ورثہ یہ ذوق شاعری بھی

اس پار ہیں تو ہم ہیں اس پار ہیں تو ہم ہیں

بیٹھے ہیں ان کے در پر گو سر پہ خاک ڈالے

اورنگ زیب و شان دستار ہیں تو ہم ہیں

کہتے ہیں ہم غزل تو بڑھتا ہے حسن اس کا

امجدؔ کسی کا رنگ رخسار ہیں تو ہم ہیں