جب سے میرے دل میں اے جاں تیری الفت ہوگئی

جب سے میرے دل میں اے جاں تیری الفت ہوگئی

ساری دنیا سے سوائے تیرے نفرت ہوگئی

دل گیا پہلو سے نیند آنکھوں سے رخصت ہوگئی

اک نظر دیکھا تھا تجھ کو بس قیامت ہوگئی

رنج و غم سہنے کی ایسی اب تو عادت ہوگئی

ہجر میں ساری مصیبت مجھ کو راحت ہوگئی

پڑ گئی اس مہ جبیں پر جب کہیں میری نظر

بے خودی ایسی ہوئی کہ عقل رخصت ہوگئی

ہو گیا خوگر میں تسلیم و وفا کا عشق میں

کچھ اگر جور وستم کی تجھ کو عادت ہوگئی

توبہ کی سو بار اور ہر بار توبہ توڑ دی

تیری رحمت دیکھ کر مجھ کو یہ ہمت ہوگئی

بڑھ گئی دیوانگی ایسی کہ رسوائی ہوئی

اپنی حالت دیکھ کر خود مجھ کو حیرت ہوگئی

حد نہیں میرے گناہوں کی اگرچہ اے کریم

پار بیڑا ہوگیا تیری جو رحمت ہوگئی

منہ کو آتا ہے کلیجہ در د سے بے چین ہوں

فخرؔ! اک بے درد سے مجھ کو محبت ہوگئی