فقر کو جو فخر سمجھا در بدر پھر کس لیے

فقر کو جو فخر سمجھا در بدر پھر کس لیے

اٹھ گیا دنیا سے جب دل درد سر پھر کس لیے

تیری خاطر سب کی خاطر اب تلک کرتے تھے ہم

جی ہی پر جب اپنے آئی در گذر پھر کس لیے

بیٹھ بھی جاوے کہیں اے چشم مانند حباب

گھر میں دل لگتا نہیں تو ہے یہ گھر پھر کس لیے

باغباں ہر ایک کے گلشن میں دلکش تھی بہار

سو تو پھر آخر ہوئی آویں ادھر پھر کس لیے

کیوں کہ مانے کوئی فدویؔ تو اگر عاشق نہیں

ٹھنڈی سانس کس لیے یہ چشمِ تر پھر کس لیے