گجب ڈھا گیو تورے نیناں مراری

گجب ڈھا گیو تورے نیناں مراری

میں کھو اپنی سدھ بدھ دل و جان ہاری

سکھی کیا کہوں مورے مرشد پیا نے

دھرم دین لوٹا نجریا وہ ماری

پون جاکے مرشد پیا سے یہ کہنا

رہت مورے من میں صورتیاں تیہاری

بتاؤں تجھے کیا تو جانت ہے سب کچھ

میں تج کر جہاں کو گئی تو پہ واری

ترے پیار میں چھوڑا بھگوان میں نے

ترا نام جپتی ہے داسی تیہاری

علی تو کو جانوں خدا تو کو جانوں

میں رکھتی ہوں جگ سے طبیعت نیاری

لٹا کر محبت میں دین و دھرم کو

بنا ہے یہ کاوشؔ تمہارا پجاری