دوئی دور کر کے جو ہم دیکھے ہیں
دوئی دور کر کے جو ہم دیکھے ہیں
توہی ایک دیروحرم دیکھتے ہیں
یہ کچھ کفر اٹھا ہے دل میں ہمارے
کہ کعبہ میں بیٹھا صنم دیکھتے ہیں
خدا کے کرم سے سمجھتے ہیں بہتر
صنم تجھ سے جو ہم ستم دیکھتے ہیں
کسی کو نہیں دیکھتے ہم جہاں میں
اسی کو خدا کی قسم دیکھتے ہیں
جنہیں دو گھڑی وصل ہوتا ہے حاصل
وہ ایک عمر ہجراں کے غم دیکھتے ہیں
خدا دشمنوں کو نہ دکھلائے غمگیںؔ
جو دوست اپنے سے ہم دیکھتے ہیں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
