میری حسرتیں دل میں گھبراتیاں ہیں

میری حسرتیں دل میں گھبراتیاں ہیں

نکلنے کی راہیں نہیں پاتیاں ہیں

تیری مست آنکھوں کی یہ پتلیاں تو

تماشا قیامت کا دکھلاتیاں ہیں

ادھر بدلیاں ہیں ادھر میری آنکھیں

وہ پانی تو یہ اشک برساتیاں ہیں

خدارا بتا دیں تو ٹک ہم کو سانسیں

کہاں آتیاں ہیں کہاں جاتیاں ہیں

نہیں جو کہ تیر بلا کا نشانہ

فقط اہل دل ہی کی وہ چھاتیاں ہیں

موا جائے سجادؔ ہے جن کے غم میں

وہ شکلیں نگاہوں میں کیوں آتیاں ہیں