بسکہ ڈھونڈے اہل دل مل ان سے صاحب دل ہوا

بسکہ ڈھونڈے اہل دل مل ان سے صاحب دل ہوا

جب پھرا میں برسوں تب یہ آبلہ حاصل ہوا

وہ گدا دلق کہن میں جس کے سو پیوند تھا

جا سکندر اس سے ہفت اقلیم کا سائل ہوا

دیکھ مجنوں کے تئیں ٹک اور بار عشق دیکھ

سخت حیرانی ہے تنکا کوہ کا حامل ہوا

ابتدائے عشق ہی میں بے تہی کی شوق نے

دل میرا سینہ میں پر بیتاب و مستعجل ہوا

امتحاں مخصوص خاصاں ہے تو راسخ شکر کر

یار تیرے آزمانے کی طرف مائل ہوا