مرے نو رسیدہ بت کو جو ہوس شکار کی ہے

مرے نو رسیدہ بت کو جو ہوس شکار کی ہے

سبھی دل ہیں صید اس کے اسے فکر ہزار کی ہے

پھنسا زلف میں مرا دل جلا حسن سے جگر بھی

مری جان، جان باقی ابھی جاں نثار کی ہے

نہیں تاب مجھ کو دیکھوں جو رقیب روسیہ کو

مرے گل قریب تیرے جو خلش یہ خار کی ہے

مرا سینہ کر کے چھلنی مجھے قتل کر خدا را

وہاں سانس بھی نہ گذرے جو جگہ پیار کی ہے

ہے تیرا اسیر خسرو ذرا دیکھ مردمی سے

مری جان دیکھ حالت جو دلِ فگار کی ہے