ہے احساس خودی سب کو کوئی مومن ہو یا کافر

ہے احساس خودی سب کو کوئی مومن ہو یا کافر

چلا سب پر ترا جادو پڑھا سب نے ترا منتر

یہاں میں حیلہ جو دل سے زیادہ بات بے قابو

وہاں وہ مدعا فہم و سخن چین و سخن پرور

ہے تو برگ گل خوبی ضیائے شمع محبوبی

مگر کیا کوئی شے دیکھی ہے تو نے دل سے نازک تر

جفا میں مہر کے آئیں وفا کو جور سے تزئیں

شرارت شرم سے رنگیں حیا میں شوخیاں مضمر

دیا ہے مدتوں میں عشق نے وہ دل مجھے جو ہے

تری تنبیہ سے شاداں تری تسکین سے مضطر

مری رندی کا قشقہ ہے جبین زہد پر میکشؔ

کہ ہو کر خاک مے خانہ رہا میں عزت منبر