ہے شرف ہم کو کہ ہیں اس در کے خانہ زاد ہم

ہے شرف ہم کو کہ ہیں اس در کے خانہ زاد ہم

اس غلامی سے نہ ہوں یا رب کبھی آزاد ہم

جوش آہنگی نہ رنگ بال و پر کچھ بھی نہیں

ہیں گرفتار قفس کس بات پر صیاد ہم

مر گئے حسرت میں آزادی کے پر چھوٹے نہیں

کیا قفس ہی کے لیے پیدا ہوئے صیاد ہم

ہم اگر کہلائیں اس مولائے عالم کے غلام

شکر میں اس کے کریں لاکھوں غلام آزاد ہم

عہد سے مجنوں کے بڑھ کر آشناؔ کے عہد میں

دیکھتے ہیں خاندان عشق کو آباد ہم