دل میں جو رہتے تھے امید کی دنیا ہو کر

دل میں جو رہتے تھے امید کی دنیا ہو کر

وہ چلے جاتے ہیں کیوں داغ تمنا ہو کر

میرا گھر گھر نہیں تم بن یہ سیہ خانہ ہے

اب سیہ خانے میں آ جاؤ اجالا ہو کر

خود بتا دیجئے یہ دن کس کے سہارے پہ کٹیں

آپ جب چھوڑ گئے دل کا سہارا ہو کر

کشتیٔ عمر مری غم کے ہے طوفاں میں گھری

کھینچ لو اب اسے دریا کا کنارا ہو کر

ہوش اڑے جاتے ہیں فرقت میں برنگ حیرتؔ

دل کو آئینہ بنا برق تجلیٰ ہو کر