یہ نسیمِ صبح کی اچھی مسیحائی ہوئی

یہ نسیمِ صبح کی اچھی مسیحائی ہوئی

وہ ہوئیں کلیاں شگفتہ تھیں جو مرجھائی ہوئیں

آپ ہی فرمایئے ہم پوچھتے ہیں آپ سے

غیر کی چوکھٹ پہ کب اپنی جبیں سائی ہوئی

داور محشر کے آگے جمع ہیں سب داد خواہ

ہے قیامت میں قیامت اک نئی آئی ہوئی

وعدۂ دیدار کا مجھ کو یقیں آتا نہیں

دل سے یہ کہتی ہوئی رخصت شکیبائی ہوئی

ہم گنہگاروں کی خاطر روز محشر اے نظرؔ

کیوں نہ رحمت کی گھٹا ہو ہر طرف چھائی ہوئی